loader
  • በማይንቀሳቀሱ ንብረቶች ላይ የመያዣና ልዩ መብት ያላቸው ገንዘብ ጠያቂዎች (የ፲፱፻፶፪ ዓ.ም. የንግድ ሕግ አዋጅ ፥ አንቀጽ ፪ ፥ ምዕራፍ ፭ ፥ ክፍል ፬።)

    @በህግ አምላክ   1 week ago
    ህግን አለማወቅ ከተጠያቂነት አያድንም!
  • loader Loading content ...
  • @በህግ አምላክ   1 week ago
    ህግን አለማወቅ ከተጠያቂነት አያድንም!

    የ፲፱፻፶፪ ዓ.ም. የንግድ ሕግ አዋጅ። የኪሣራና የመጠበቂያ ስምምነት። አንቀጽ ፪። ስለ መክሠር። ምዕራፍ ፭። የገንዘብ መጠየቂያ መብቶችን ስለ መመርመር። ክፍል ፬። በማይንቀሳቀሱ ንብረቶች ላይ የመያዣና ልዩ መብት ያላቸው ገንዘብ ጠያቂዎች።


    ቁጥር ሺ፷፭። ከሚንቀሳቀሱ ዕቃዎች ሽያጭ ዋጋ በፊት ስለ ተከፋፈለ የማይንቀሳቀሱ ንብረቶች የሽያጭ ዋጋ።
    የማይንቀሳቀሱ ንብረቶች የሽያጭ ዋጋ ከሚንቀሳቀሱ ዕቃዎች የሽያጭ ዋጋ በፊት፤ ወይም በአንድነት ክፍያው የተደረገ እንደ ሆነ፤ ከማይንቀሳቀሱ ንብረቶች የሸያጭ ዋጋ በሙሉ ዋጋቸውን ያልተቀበሉ፤ የመያዣ ወይም ልዩ መብት ያላቸው ገንዘብ ጠያቂዎች፤ በቁጥር ሺ፵፩ እና በተከታዮቹ ውሳኔዎች መሠረት መብታቸው ተቀባይነት አግኝቶ እንደ ሆነ፤ ባልተከፈላቸው ገንዘብ መጠን ለኅብረቱ ከሚከፈለው ገንዘብ ውስጥ ከተራ ገንዘበ ጠያቂዎች ጋራ ተካፋይ ይሆናሉ።

    ቁጥር ሺ፷፮። ከማይንቀሳቀሱ ንብረቶች ሽያጭ ዋጋ በፊት ስለ ተከፈለ የሚንቀሳቀሱ ዕቃዎች የሽያጭ ዋጋ።
    የማይንቀሳቀሱ ንብረቶች የሽያጭ ዋጋ ከመከፋፈሉ በፊት፤ የሚንቀሳቀሱ ዕቃዎች የሽያጭ ዋጋ አንዴ ወይም ብዙ ጊዜ ክፍያዎች ተደርጎ እንደ ሆነ፤ በቁጥር ሺ፷፯ የተመለከቱት ልዩነቶች ካላጋጠሙ በቀር፤ በደንብ ተቀባይነት ያገኙ የመያዣና ልዩ መብት ያላቸው ገንዘብ ጠያቂዎች በጠቅላላ መብታቸው መጠን በክፍያው ውስጥ ገብተው ይካፈላሉ።

    ቁጥር ሺ፷፯። ዋስትና ከሌለው ኅብረት ውስጥ የተቀበሉትን ገንዘብ ስለ መቀነስ።
    (፩) የማይንቀሳቀሱ ንብረቶች ከተሸጡና፤ መያዣና ልዩ መብት ባላቸው ገንዘብ ጠያቂዎች መካከል ያለው ተራ ከተወሰነ በኋላ፤ ከነዚሁ መካከል ከማይንቀሳቀሱ ንብረቶች ዋጋ ለጠቅላላው መብታቸው ተካፋይ ለመሆን የሚችሉት ከመያዣው የተነሣ ለማግኘት ከሚችሉት ገንዘብ ዋስትና ከሌለው ኅብረት ውስጥ ያገኙት ገንዘብ ተቀናሽ ሆኖ ነው።
    (፪) ተቀናሽ የሆነውም ገንዘብ መያዣ ባለው ንብረት ውስጥ አይቀርም። ነገር ግን ዋስትና ለሌለው ኅብረት ተመላሽ ሆኖ ይቆያል።

    ቁጥር ሺ፷፰። የመያዣ መብት ያላቸው ገንዘብ ጠያቂዎች በከፊል ለመቀበል ተራ ስለ መጻፍ።
    ከማይንቀሳቀሱ ንብረቶች የሽያጭ ዋጋ በከፊል ለመከፈል ተራ የተጻፉ የመያዣ መብት ያላቸው ገንዘብ ጠያቂዎችን የሚመለከት ጉዳይ ከዚህ እንደሚቀጥለው ይሠራል፡-
    (ሀ) ከማይንቀሳቀሱ ንብረቶች ዋጋ ለመቀበል ተራ ከተጻፉ በኋላ በሚቀራቸው ገንዘብ መጠን ዋስትና በሌለው ንብረት ውስጥ ተካፋይ ይሆናሉ።
    (ለ) ባለፈው መከፋፈል ውስጥ ከዚሁ ድርሻ በላይ የተቀበሏቸው ገንዘቦች፤ ለመቀበል ተራ ከተጻፉበት መያዣ ካለው ክፍያቸው ላይ ተይዘው፤ ዋስትና ለሌለው ንብረት ተመላሽ ሆነው ይቆያሉ።

    ምንጭ:
    የ፲፱፻፶፪ ዓ.ም. የንግድ ሕግ
  • loader Loading content ...

Load more...