loader
  • በኢትዮጵያ እና የእንግሊዝ ሱማሌ-ላንድ ድንበር ማካለል ኮሚሽን ውስጥ ሁለቱን አገራት የወከሉት ዋና ዋና ግለሰቦች እነማን ናቸው?

    @መርሻ   2 years ago
    Interested in just about everything!
  • loader Loading content ...
  • @Gosa   2 years ago
    ጎሳ ሰው ነው።
    በኢትዮጵያ እና በኢንግሊዝ ሱማሌ ላንድ መካከል የተካሄደው የድንበር ማካለል ስራ በታህሳስ ፳፯ ቀን ፲፱፻፳፬ አመተ ምህረት ተጀምሮ በሚያዝያ ፲፫ ቀን ፲፱፻፳፯ አመተ ምህረት ነው የተጠናቀቀው። ይህ ስምምነት ምናልባትም በኢትዮጵያ ታሪክ ውስጥ በአግባቡ ከተከናወኑ ዋና ዋና የድንበር ማካለል ስምምነቶች ውስጥ ሊመደብ ይችላል። በኢትዮጵያ በኩል ዋና ዋና የድንበር ተካላይ የነበሩት ግለሰቦች የሚከተሉት ናቸው።


                    ከግራ ወደ ቀኝ: ፊታውራሪ ታፈሰ ሃብተ ሚካዔል፤ ፊታውራሪ ተሰማ ባንቴ፤ ብላቴን ጌታ ዘውዴ በላይነህ።


                   ከግራ ወደ ቀኝ: ብላቴን ጌታ ሎሬንዞ ትዕዛዝ፤ ብላታ መርስዔ ሃዘን ወልደ ቂርቆስ።

    ፊታውራሪ ታፈሰ ሃብተ ሚካዔል የወሰን ስራውን በበላይ ሹምነት የመሩ ሲሆን ፊታውራሪ ተእሰማ ባንቴ ደግሞ ዋና ወሰን ተካላይ ሆነው አገልግለዋል። ብላቴን ጌታ ዘውዴ በላይነህ እና ብላቴን ጌታ ሎሬንዞ ትዕዛዝ ደግሞ በረዳት ወሰን ተካላይነት ሲያገለግሉ፤  ብላታ  ርስ ዔ  ሃዘን  ወልደ  ቂርቆስ ደግሞ የድንበር ማካለል ኮሚሽኑ ዋና ፀሃፊ በመሆን አገልግለዋል። አንድ መዘንጋት የሌለበት ጉዳይ ቢኖር በወሰን ማካለሉ ሂደት ላይ ቁትራቸው የበዛ የውጭ ሃገር ዜጎች በኢትዮጵያ በኩል ተሳትፈዋል። የነዚህ ግለሰቦች ተሳትፎ በዋናነት ያተኮረው የቴክኒክ ድጋፍ መስጠት ላይ ነበረ።

    በእንግሊዝ መንግስት በኩል ደግሞ የሚከተሉት ግለሰቦች ዋና ዋና የድንበር ተካላዮች ነበሩ።


                   ከግራ ወደ ቀኝ: E.H.M Clifford, B.T. Godfrey Faussett, C.H.F. Plowman


                    ከግራ ወደ ቀኝ: Alex T. Curle, J.H. Collingwood, Major Sir A.S. Lawrance, Sir Rennell Rodd

    E.H.M. Clifford የእንግሊዝ ዋና ድንበር ትካላይ ሲሆን የተቀሩት ደግሞ ረዳት የድንበር ተካላዮች ሆነው ያገለገሉ ነበሩ። አንድ እዚህ ጋር ሳይጠቀስ መታለፍ የማይገባው ነገር ቢኖር፤ ምንም እንኯን ሁለቱ አገራት እንዲህ የተለፋበት የድንበር ውል ቢኖራቸውም፣ በደርግ ዘመነ መንግስት ኢትዮጵያን በሱማሌ ከመወረር አላዳናትም ነበር -- ወረራው በኢትዮጵያውያን ተቀለበሰ እንጂ!
    ማጣቀሻ: 
    "የኢትዮጵያና የእንግሊዝ ሶማሊላንድ የወሰን መካለል ታሪክ"
    በመርስዔ ኃዘን ወልደ ቂርቆስ።
  • loader Loading content ...
  • @Abigel   1 year ago
    Sewasewer
    ምስጋና@መርሻ!
  • @Adugna   1 year ago
    Sewasewer
    Thanks for sharing Mersha!

Load more...