loader
  • በኢትዮጵያ የመጀምርያው ባንክ ማን ይባላል?

    @Tola (ቶላ)   2 years ago
    ከተኛ አንበሳ ዞር ዞር ያለ ቀበሮ ይሻላል!
  • loader Loading content ...
  • @Tola (ቶላ)   2 years ago
    ከተኛ አንበሳ ዞር ዞር ያለ ቀበሮ ይሻላል!
    በኢትዮጵያ ለመጀመርያ ጊዜ ባንክ የተቇቇመው በዳግማዊ ኣጤ ምኒልክ ዘመነ መንግስት በ፲፰፻፺፰ ዓ/ ም ነው። የአመሰራረት ታሪኩም የሚቀጥለውን ይመስል ነበር።

    በፈረንጅ አገር ስላለው የገንዘብ መበደሪያ ቤት ጉዳይ አማካሪዎቻቸው ምኒልክን አማከሯቸው። የውጪውንም ሆነ የአገር ውስጡን ንግድ ለማስፋፋት ባንክ ጠቃሚው መሆኑን እና በተለይም የውጭው ንግድ ያለ ባንክ ሊካሄድ ያለመቻሉን ነገሯቸው። ምኒልክ በሃሳቡ ከተስማሙ በሇላ ባንኩን ለማቇቇም ሃላፊነቱን ለማን እንደሚሠጥ ጠየቁ። ፈረንሳዊው ሙሴ ደልሃርቤ ይህን ነገር ለማቇቇም ይችላልና ለሱ ይሰጠው ተባለ። ምኒልክም "የፈረንሳዮቹን ነገር ተዉኝ። የባቡር ሃዲድ ከጅቡቲ እስከ እንጦጦ፤ ከዚያም እስከ ከፋ እና ነጭ አባይ ድረስ እንዘረጋለን ብለው ውለታን ከተዋዋልን በሇላ እንኯን ነጭ አባይ አዲስ አበባም ለማድረስ አቅቷቸዋልና እንደገና ደግሞ ከነሱ ጋር አልዋዋልም። የሚሆን ከሆነ ሌላ ሰው ፈልጉ ..." አሉ። በዚህም የተነሳ ስራው ለኢንግሊዞች ጠሰተ። በዚህም መሰረት ጉዳዩን እንዲያስፈፅም ከግብፅ ብሄራዊ ባንክ የተላከ አንድ ቡድን መጋቢት ፩ ቀን ፲፰፻፺፯ ዓ/ ም ባንኩን ለማቇቇም የሚቻልበትን ውል ተዋዋለ። የዚህ የመጀመሪያ ባንክ ስም   የአቢሲኒያ ባንክ (Bank of Abyssinia) ይባላል።

    ባንኩ የተቇቇመው በአክሲዮን ሲሆን ስራውን በሚጀምርበት ጊዜ አጤ ምኒልክ ራስ ተሰማን እና ራስ ወልደ ጊዮርጊስን በቦርድ አባልነት መረጡ። ባንኩ ለመጀመርያ ጊዜ የሚሸጣቸው እጣዎች ብዛት አንድ መቶ ሺህ እንዲሆን ተወሰነና ለአንግሎ ኢጂፕቲያን 25,000፣ ለፈረንሳይ 12,500፣ ለኢጣሊያ 12,500 ተደለደለና አምስት ሺህ እጣ ለቦርድ ዲሬክተር አባላት ተያዘ። ከቀሪው 45,000 ውስጥ 7,500 ለአዲስ አበባ ነዋሪዎች፣ 6625 በካይሮ በአሌክሳንድሪያ ለሚኖሩ፣ ሌላው በለንደን፣ በፓሪስ፣ በሮም፣ በበርሊን፣ በቪዬና እና በኒውዮርክ ለሚኖሩ ሰዎች ተደልድሎ መሸጥ ተጀመረ።



    ባንኩ መጀመርያ ስራ የጀመረበት ሕንጻ ይህ ነው። ባሁኑ ሰዐት ይህንን ታሪካዊ ህንጻ ማዕከላዊ ስታቲስቲክስ ባለስልጣን እየተተቀመበት ይገኛል።

    ይህንን ባንክ ከአክሲዮን ማህበርነት ሙሉ በሙሉ ወደ መንግስት እና ህዝብ ሃብትነት ያሸጋገሩት ዓጼ ኃይለስላሴ ናቸው። በዚህ ኣጋጣሚ የባንኩም መጠሪያ ስም  የኢትዮጵያ ባንክ ወደሚል ተቀየረ። "In 1931, the Emperor of Ethiopia, Haile Selassie I, formally requested that the international community use the name Ethiopia (as it had already been known internally for at least 1600 years) instead of Abyssinia, and the issuing Bank of Abyssinia also became the Bank of Ethiopia."

    ምንጭ:
    -አጤ ምኒልክ (በጳውሎስ ኞኞ)
    -Wikipedia (http://en.wikipedia.org)
  • loader Loading content ...
  • @Alembrehan   1 year ago
    Sewasewer
    ምስጋና @Tola!
  • @Adugna   1 year ago
    Sewasewer
    Thanks for sharing!
  • @መርሻ   1 year ago
    Interested in just about everything!
    እናመሰግናለን ቶላ! አሁን ይሄ ባንክ ስሙ ምንድነው? የኢትዮጵያ ንግድ ባንክ? ወይስ የኢትዮጵያ ብሄራዊ ባንክ?

Load more...