loader
  • የስልክ ታሪክ በኢትዮጵያ።

    @Gosa   2 years ago
    ጎሳ ሰው ነው።
  • loader Loading content ...
  • @Gosa   2 years ago
    ጎሳ ሰው ነው።
    ራስ መኮንን የኢጣልያን አገር ጎብኝተው በ፲፰፻፹፪(1882) ዓ/ ም ወደ ኢትዮጵያ ሲመለሱ የስልክ መነጋገሪያ መሳሪያ ይዘው መጥተው ነበር። ራስ መኮንን ያመጡትን የስልክ መነጋገሪያ መሳሪያ ለኣጤ ምኒልክ ሰጧቸው። አጤ ምኒልክም ለማንኛውም የቴክኒክ ስራ አዋቂ ያደረጉትን ፈረንሳዊውን እስቴቭንን ወደ ቤተ መንግስት ኣስጠርተው ስልኩን እንዲሰራው አዘዙት።

    እስቴቭን በዚያው በ፲፰፻፹፪ ዓ/ ም ስልኩን ከምኒልክ አዳራሽ እስከ ግምጃ ቤታቸው ድረስ ዘረጋው። ስራው ተሰርቶ እንዳለቀም ምኒልክ እንዲነጋገሩበት ተደረገ። እንደተለመደው በጊዜው መኯንንቶቹ እና ቀሳውስቱ ይህንን የስልክ ነገር የሰይጣን ስራ ነው በማለት ከባድ ተቃውሞ አድርገው ነበር። በዚህም የተነሳ አጤ ምኒልክ እንደዚህ ብለው ነበር።

    "እነዚህ ቄሶች በማይሆነውን ሁሉ እየተቃወሙ አስቸግረውኛል። አሁን ደግሞ ስልክ ባገሬ ባስገባ የሰይጣን ስራ ነው እያሉ ለህዝብ መስበካቸውን ሰምታችሇል። እኔም የሰይጣን ስራ ያለመሆኑንም ነገርኯቸው። እነሱ ግን በቁማቸው ይቃዣሉ። ስራዬንም የሚያደናቅፉኝ ይሆናሉና ከእንግዲህ ወዲያ የኦርቶዶክስ ሃይማኖቴን ትቼ ከነሱ ለመለየት ስል ሃይማኖቴን መለወጤ ነው።" ሆኖም ግን ነገሩ በመኯንንቱ እና በጳጳሱ ማግባባት አጤ ምኒልክ ሃይማኖታቸውን ሳይቀይሩ ቀሩ።

    ዓብዛኛው መኯንንት ስልክ ሰይጣን ነው እያለ ባይነጋገርበትም በምኒልክ እና በጥቂት መኯንንቶቻቸው መሃል በስልክ መነጋገር እና ጉዳይን መፈፀም እየተወደደ ሄደ። በስልክ መነጋገሩ እየተለመደ ቢሄድም ተነጋጋሪዎቹ የሚገናኙት በስልከኞች አማካኝነት ስለነበረ ብዙውን ጊዜ ስልከኞቹ ከስልኩ ቤት እየጠፉ ችግር ፈጠሩ። በዚህም ምክንያት አጤ ምኒልክ ለመጀመሪያ ጊዜ የመጀመሪያውን የስልከኞችን የተራ እና የስራ ደንብ ኣወጡ።

    ምንጭ:
    አጤ ምኒልክ
    በጳውሎስ ኞኞ
  • loader Loading content ...

Load more...