loader
  • የገንዘብ ጠያቂዎች ኮሚቴ (የ፲፱፻፶፪ ዓ.ም. የንግድ ሕግ አዋጅ ፥ አንቀጽ ፪ ፥ ምዕራፍ ፪ ፥ ክፍል ፬።)

    @በህግ አምላክ   1 week ago
    ህግን አለማወቅ ከተጠያቂነት አያድንም!
  • loader Loading content ...
  • @በህግ አምላክ   1 week ago
    ህግን አለማወቅ ከተጠያቂነት አያድንም!

    የ፲፱፻፶፪ ዓ.ም. የንግድ ሕግ አዋጅ። የኪሣራና የመጠበቂያ ስምምነት። አንቀጽ ፪። ስለ መክሠር። ምዕራፍ ፪። የመክሠርን ሥራ የሚያስፈጽሙ ሰዎች። ክፍል ፬። የገንዘብ ጠያቂዎች ኮሚቴ።


    ቁጥር ሺ፪። ኮሚቴውን ስለ ማቋቋም።
    (፩) በቁጥር ሺ፵፬ እንደ ተመለከተው የገንዘብ ጠያቂዎች ሁኔታ የሚገልጽ ትእዛዝ በፍርድ መዝገብ ከተቀመጠበት ቀን አንሥቶ በሚከተሉት ዐሥር ቀኖች ውስጥ የባለገንዘቦች ኮሚቴ መቋቋም አለበት።
    (፪) መርማሪው ዳኛ ጠቃሚ መሆኑን የገመተ እንደ ሆነ ከሚቴው ለጊዜው፤ ከዚህ ጊዜ በፊት፤ እንዲቋቋም ለማድረግ የችላል።
    (፫) ከገንዘብ ጠያቂዎች ውስጥ ሦስት ወይም አምስት አባሎች መርጦ መርማሪው ዳኛ ኮሚቴውን ያቋቁማል፤ የኮሚቴውንም ፕሬዚዳንት ይመርጣል።
    (፬) ከኮሚቴው ውስጥ እንዲተኩ የጠየቁትን አባሎች መርማሪው ዳኛ በሌሎች አሎባች ሊተካቸው ይችላል። ዳኛው ባቀረበው ሐሳብ መሠረት በሚሰጥ የፍርድ ቤት ውሳኔ ካልሆነ በቀር ከሥራቸው ሊሻሩ አይችሉም።
    (፭) ማናቸውም ከባለዕዳው ጋራ እስከ አራት ብት ድረስ ጭምር የሥጋ ወይም የጋብቻ ዝምድና ያለው ሰው የገንዘብ ጠያቂዎች ኮሚቴ አባል ለመሆን አይችልም።

    ቁጥር ሺ፫። ስለ ኮሚቴው ሥራ።
    (፩) ኮሚቴው ሐሳቡን እንዲሰጥ ሕጉ የሚያስገድድበት ሁኔታ ሳይነካ፤ ፍርድ ቤቱ ወይም መርማሪው ዳኛ ጠቃሚ መሆኑን የገመተ እንደ ሆነ፤ ኮሚቴው ሐሳቡን እንድሰጥ ሊጠየቅ ይችላል።
    (፪) የኮሚቴው ሐሳብ እንዲታወቅ በተጠየቀ ጊዜ ወይም ስብሰባ እንዲደረግ ለፕሬዚዳንቱ አስፈላጊ መስሎ በታየው ጊዜ ሁሉ፤ ፕሬዚዳንቱ ኮሚቴውን ይሰበስባል።
    (፫) የኮሚቴው ውሳኔዎች በድምፅ ብልጫ ይሰጣሉ።
    (፬) ኮሚቴው ባለዕዳው ያቀረበውን ሒሳብና የሁኔታውን መግለጫ መመርመርና የንብረት ጠባቂዎቹን ሥራ በተለይ መጠባበቅ አለበት።
    (፭) ኮሚቴው በማናቸውም ጊዜ የመክሠሩን አሠራር ሁኔታ፤ ገቢ የሆኑትንና የተከፈሉትን ገንዘቦች ሒሳብ መግለጫ ለመጠየቅ መብት አለው። ንብረት ጠባቂዎቹም ለሚጀምሩት ወይም ለሚቀጥሎት ክቦች የኮሚቴውን ሐሳብ መቀበል አለባቸው።
    (፮) የገንዘብ ጠያቂዎች ኮማቴ አባሎች ለሚያደርጉት ከባድ ጥፋት ብቻ አላፊዎች ናቸው።
    (፯) ስለ ሥራቸው ዋጋ አይቀበሉም፤ ነገር ግን በመርማሪው ዳኛ ፊርማ ያደረጓቸው ወጪዎች እነዲመለሱላቸው መብት አላቸው።

    ምንጭ:
    የ፲፱፻፶፪ ዓ.ም. የንግድ ሕግ
  • loader Loading content ...

Load more...