Didn't find what you were looking for? Why not  Create'em!?Sewasew is a community effort where every topic matters.

loader
  • Girma  On June 25, 2015 at 09:57 PM
    የአርጎባ ማህበረሠብ በሾንኬ (አማራ ክልል)
  • loader Loading content ...
  • Girma  On June 25, 2015 at 09:57 PM
    አርጎባ የሚለው ሥያሜ "አረብ ገባ" ከሚለው ገለፃ እንደተመሠረተ እና አመጣጡም በ7ኛው ክፍለዘመን የእሥልምና ሃይማኖት መሪ የነበሩት ነብዩ መሃመድ እሥልምናን ለማሥፋፋት በሚጥሩበት ጊዜ ተከታዮቻቸውን ከገጠማቸው ጥቃት ለመከላከል እንደመሸሸጊያ የተጠቀሙባት ሃገር ኢትዮጵያ ውሥጥ በገቡ ጊዜ ነው። በዚህ ወቅትም መሪው ነብዩ መሃመድ የሚከተለውን መልዕክት ለተከታዮቻቸው እንዳሥተላለፉ ይነገራል።
    "አላህ እራሣችንን ለመከላከል ፈቃዱን እሥኪገልፅልን ድረሥ ወደ አቢሢኒያ (ኢትዮጵያ) ሂዱ።እዛም ኑሩ። እሧ የፅድቅ ምድር ናት። ንጉሧም ቅን ሠው በመሆኑ ማንም አይጨነቅም። በሠላም ይኖራል "
     በዚህም መልእክት መሠረት የመጡ ጥቂት ተከታዮች እና ከዚህ ተከትሎ በነበረ ሁለተኛ ሥደት ምክንያት የመጡ ተከታዮቻቸው ዝርያዎቻቸው በአገሪቱ የተለያየ ክፍሎች አልፎ አልፎ  ተበታትነው እንደሚገኙ ይነገራል። በአማራ ክልል ውሥጥም ጎዜ፣ ደዌ ራሂምዶና ሾንኬ የመሣሠሉት ሥፍሥራዎች ውሥጥ ከዚሁ ዘር ጋር የተሣሠረ የዘር ሃረግ ያላቸው ማህበረሠቦች ይገኛሉ። በእነዚህ እና በሊሎች አካባቢዎች ውሥጥ የሚኖረው ማህበረሠብ በአካባቢው አጠራር  የአርጎባ ማህበረሠብ  በመባል ይታወቃል።

    የአርጎባ ማህበረሠብ በአማራው ክልል በዋናነት የሚገኙባቸው ሾንኬ፣ጎዜ እና ድዌ ራሂምዶ የተባሉት ቦታዎች ከኦሮምያ መሥተዳድር ዞን ዋና ከተማ ከሆነችው ከከሚሴ በተወሠነ ርቀት ላይ የሚገኙ ሢሆን ማህበረሠቡም የራሡን ወግና ባህል ጠብቆ የሚያራምድበት ጥንታዊ መሥጊዶች ያሉት ነው። የጥንት አባቶቹን በርካታ ቅርሥና ባህልም ጠብቆ በመኖር ላይ ይገኛል። 


                    የአርጎባ ልጃገረድ                                            

    ሾንኬ
    ይህ የአርጎባ መንደር ከከሚሤ በሥተመሥራቅ23 ኪሜ ርቀት ላይ ይገኛል። ወጣ ገባ መልከዐምድሩና በደን የተሸፈነ መሆኑ ልዩ የተፈጥሮ ውበትን የተላበሠ መንደር አድርጎታል። የሾንኬ መሥጊድ አራት ማዕዘን ቅርፅ ያለው ያለምንም ማያያዣ እርሥበርሥ ተደጋግፈው በተቀመጡ ድንጋዮች የተገነባ ነው። የዚህ መንደር ነዋሪዎችም ቤቶችም በተመሣሣይ መልኩ የተገነቡና መሥጊዱን ከበው የተሠሩ ናቸው። በመሥጊዱ ውሥጥ ከመካ እንደመጡ የሚነገርላቸው ከውድ እንጨት ተቀርፀው የተሠሩ ትላልቅ በርሜሎች፣ ጀበናዎችና ሌልች የመገልገያ ዕቃዎች ይገኛሉ።







                     የሾንኬ መንደር


    ምንጭ
    • የአማራ ክልል የቱሪሥት መሥህብ ሃብቶች (የአማራ ቱሪዝም እና ማሥታወቂያ ቢሮ) 
    • http://www.hornofafrica.org/pdf/Argobba.pdf


  • loader Loading content ...