loader
  • ለሠራተኞች የሚገባ የዕረፍት ጊዜ (የ፲፱፻፶፪ ዓ.ም. የፍትሐ ብሔር ሕግ ፥ አንቀጽ ፲፮ ፥ ምዕራፍ ፩ ፥ ክፍል ፭)

    @በህግ አምላክ   3 months ago
    ህግን አለማወቅ ከተጠያቂነት አያድንም!
  • loader Loading content ...
  • @በህግ አምላክ   3 months ago
    ህግን አለማወቅ ከተጠያቂነት አያድንም!

    የ፲፱፻፶፪ ዓ.ም. የፍትሐ ብሔር ሕግ። አንቀጽ ፲፮። የሥራዎች አገልግሎት መስጠትን የሚመለከቱ ውሎች። ምዕራፍ ፩። ስለ ሥራ ውል በጠቅላላው። ክፍል ፭። ለሠራተኞች የሚገባ የዕረፍት ጊዜ።


    ቁጥር ፪ሺ፭፻፷። የተለመዱ ሰዓቶችና ቀኖች።
    አሠሪው ለሠራተኛው የተለመዱትን የዕረፍት ሰዓቶችና ቀኖች መፍቀድ አለበት።

    ቁጥር ፪ሺ፭፻፷፩። የዓመት የዕረፍት ፈቃድ።
    ሥራ አሠሪው የሠራተኛውን ጊዜ ወይም ከጊዜው ዋነኛውን ክፍል የተገለገለበት ሲሆን ለሠራተኛው የዓመት የዕረፍት ፈቃድ መስጠትና ለዕረፍት በሚሰጠውም ጊዜ ደመወዙን መክፈል አለበት።

    ቁጥር ፪ሺ፭፻፷፪። ዕረፍቱ የሚቆይበት ጊዜ።
    (፩ ) ሠራተኛው በአሠሪው ሥራ ውስጥ ወይም በአንድ የሥራ ማከናወኛ ክፍል ከአንድ ዓመት እስከ 5 ዓመት ሠርቶ እንደሆነ የዕረፍቱ ጊዜ የሚሰጠው መደዳውን ዐሥር ቀን ይሆናል።
    (፪) ሠራተኛው በአሠሪው ሥራ ውስጥ ወይም በአንድ የሥራ ማከናወኛ ክፍል ሲሠራ ከአምስት እስከ 0 ዓመት ቆይቶ እነደሆነ የዕረፍቱ ጊዜ መደዳውን ዐሥራ አምስት ቀን ይሆናል።
    (፫) ሠራተኛው በአሠሪው ሥራ ውስጥ ወይም ባንድ የሥራ መከናወኛ ክፍል ሲሠራ ዐሥራ አምስት ዓመት ወይም ከዚህ ይበልጥ ሆኖት እንደሆነ የዕረፍቱ ጊዜ የሚቆየው መደዳውን ኻያ ቀን ይሆናል።

    ቁጥር ፪ሺ፭፻፷፫። ስለ ውሉ ማለቅ።
    የሥራው ውል ባለቀ ጊዜ ሠራተኛው ለአሠሪው በዓመቱ ውስጥ የሠራበት ጊዜ ተገምቶ የሚገባውን የዕረፍት ጊዜ ለማግኘት መብት አለው።

    ቁጥር ፪ሺ፭፻፷፬። ስለሚቀነሱ ቀኖች።
    (፩) በሠራተኛው ጥያቄ ወይም አስቀድሞ ከዕረፍቱ ላይ የተሰጡትን የዕረፍት ቀኖች አሠሪው ለሠራተኛው ከሚገባው ከዓመት የዕረፍት ቀኖች ላይ ይቀንሳል።
    (፪) ሠራተኛው በሌላ ምክንያት ያልሠራባቸውን ቀኖች አሠሪው ለመቀነስ አይችልም።

    ቁጥር ፪ሺ፭፻፷፭። የዕረፍት ጊዜ።
    (፩) የዕረፍቱም ጊዜ ከዓመቱ ውስጥ ምቹ በሆነ ወራት ይፈቀዳል።
    (፪) ይኸውም የሥራውን ዐይነት የአሠሪውንና የሠራተኛውን ጥቅሞች እንደተቻለ በማስማማት ነው።
    (፫) ዕረፍቱን የሚያገኝበት ጊዜ እጅግ ቢያንስ ለሠራተኛው ካንድ ወር በፊት ይነገረዋል።

    ቁጥር ፪ሺ፭፻፷፮። ለመውለድ ስለሚሰጥ ዕረፍት።
    (፩) ልጅ ለመውለድ የምትጠባበቅ ሠራተኛ በመውለጃዋ ጊዜ ያንድ ወር ዕረፍት ለማግኘት መብት አላት፡
    (፪) በዚሁ የዕረፍት ጊዜ አሠሪው ግማሽ ደመወዝዋን መክፈል አለበት።

    ምንጭ:
    የኢትዮጵያ የ፲፱፻፶፪ ዓ.ም. የፍትሐ ብሔር ሕግ (፲፱፻፶፪)
  • loader Loading content ...

Load more...