loader
  • ከንግድ መደብር ውስጥ ባልሆነ ተንቀሳቃሽ ንብረት ላይ የመያዣ ዋስትናዎች ያሏቸው ገንዘብ ጠያቂዎች መብት (የ፲፱፻፶፪ ዓ.ም. የንግድ ሕግ አዋጅ ፥ አንቀጽ ፪ ፥ ምዕራፍ ፭ ፥ ከፍል ፫።)

    @በህግ አምላክ   3 months ago
    ህግን አለማወቅ ከተጠያቂነት አያድንም!
  • loader Loading content ...
  • @በህግ አምላክ   3 months ago
    ህግን አለማወቅ ከተጠያቂነት አያድንም!

    የ፲፱፻፶፪ ዓ.ም. የንግድ ሕግ አዋጅ። የኪሣራና የመጠበቂያ ስምምነት። አንቀጽ ፪። ስለ መክሠር። ምዕራፍ ፭። የገንዘብ መጠየቂያ መብቶችን ስለ መመርመር። ከፍል ፫። ከንግድ መደብር ውስጥ ባልሆነ ተንቀሳቃሽ ንብረት ላይ የመያዣ ዋስትናዎች ያሏቸው ገንዘብ ጠያቂዎች መብት።


    ቁጥር ሺ፶፰። የንብረት መያዣ ስላላቸው ገንዘብ ጠያቂዎች።
    በደንብ የተቋቋመ የመያዣ መብት ያላቸው ገንዘብ ጠያቂዎች ለማስታወሻ ያህል ብቻ በኅብረቱ ውስጥ ይጻፋሉ። ንብረት ጠባቂዎቹ በማናቸውም ጊዜ፤ በርማሪው ዳኛ ፈቃድ፤ ስለ ኅብረቱ ጥቅም በማለት ዕዳውን በመክፈል በመያዣ የተሰጠውን ነገር ለመውሰድ ይችላሉ።

    ቁጥር ሺ፶፱። ገንዘብ ጠያቂው መያዣውን ስለ መሸጡ።
    በመያዣ የተሰጠውን ነገር ንብረት ጠባቂዎቹ ያልወሰዱት እንደ ሆነና፤ ገንዘብ ጠያቂውም ከሚገባው ገንዘብ በሚበልጥ ዋጋ የሸጠው እንደ ሆነ ትርፉን ንብረት ጠባቂዎቹ ይወስደሉ። የሸጠበት ዋጋ ከሚገባው ገንዘብ ያነሰ የሆነ እንደ ሆነ ግን ቀሪ ለሆነው ገንዘብ ክፍያ፤ መያዣ ያለው ገንዘብ ጠያቂ እንደ ተራ ገንዘብ ጠያቂ ሆኖ በኅብረቱ ውስጥ ይገባል።

    ቁጥር ሺ፷። ስለ አከራዩ ልዩ መብት ወሰን።
    (፩) በቁጥር ፩ሺ፵ መሠረት የኪራዩ ውል የፈረሰ እንደ ሆነ፤ የአከፋፈሉን መቋረጥ የሚያመለክተው ፍርድ ከመሰጠቱ በፊት ላለፈው የሁለት ዓመት ኪራይ እና ለያዘው ዓመት፤ የኪራዩም አፈጻጸም ለሚመለከተው ሁሉና አጋጣሚ ለሚሆኑት የጉዳት ካሣዎች፤ ለአከራይ ልዩ መብት አለው።
    (፪) የኪራዩ ውል ያልፈረሰ እንደ ሆነ፤ ለአከራዩ ያለፈው ኪራይ ሁሉ አንድ ጊዜ ከተከፈለውና፤ ውሉ በተደረገበት ጊዜ የተሰጡት ዋስትናዎች የጸኑለት እንደ ሆነ፤ ወይም አከፋፈሉ ከተቋረጠ በኋላ የተሰጡት ዋስትናዎች በቂ መሆናቸው የተገመተ እንደ ሆነ በጊዜው ያለው ወይም ጊዜው ያልደረሰው ኪራይ እንዲከፈለው ሊያስገድድ አይችልም።

    ቁጥር ሺ፷፩። በተከራየው ቦታ ላይ ያሉትን የቤት ዕቃዎችን መውሰድ።
    ከተከራየው ቦታ ላይ ያሉት የቤት ዕቃዎች የተወሰዱና የተሸጡ እንደ ሆነ፤ ሺ፷ ንኡስ ቁ (፩) ውል በሚፈርስበት ጊዜ እንደ ተመለከተውና ከዚህም በቀር የተያዘው ዓመት ከሚያልቅበት ጊዜ አንሥቶ ወደፊት ባለው አንድ ዓመት ኪራይ ላይ አከራዩ በልዩ መብቱ ሊሠራበት ይችላል።

    ቁጥር ሺ፷፪። ንብረት ጠባቂዎቹ ስለሚያደርጉት የውል መቀጠል ወይም ማስተላለፍ።
    ንብረት ጠባቂዎቹ ለውሉ ማለቂያ ለቀረው ጊዜ የኪራዩን ውል ለመቀጠል ወይም ለሌላ ሰው ለማስተላለፍ የሚችሉት፤ ንብረት ጠባቂዎቹ ወይም እነርሱ ያስተላለፉላቸው ሰዎች በተከራየው ቤት ውስጥ በቂ ዋጋ ያላቸው ዕቃዎች የሚያስቀመጡ፤ ከሕጉ ወይም ከውሉ የሚገኙትን ግዴታዎች ጊዜያቸው ሲደርስ የሚፈጽሙ እና ቤቶቹም የሚያገለግሉበትን ሁኔታ ሳይለውጡ የሆነ እንደ ሆነ ነው።

    ቁጥር ሺ፷፫። ተንቀሳቃሽ ዕቃዎችን ስለሚሸጠው ሰው ሁኔታ።
    (፩) በቁጥር ሺ፸፭ እስከ ሺ፸፰ የተመለከተው ድንጋጌ እንደ ተጠበቀ ሆኖ፤ ተንቀሳቃሽ ዕቃዎችን ለሰጠው ሰው በፍትሐ ብሔር ሕግ የተሰጡት ዋስትናዎች በኪሣራው ላይ መቃወሚያ ሆነው ሊቀርቡ አይችሉም።
    (፪) በንኡስ ቁጥር (፩) የተደነገገውን የሚቃወም ስምምነት ሁሉ ፈራሽ ይሆናል።

    ቁጥር ሺ፷፬። በሚንቀሳቀሱ ንብረቶች ላይ የቀደምትነት መብት ያላቸውን ገንዘብ ጠያቂዎች ስለ መክፈል።
    (፩) በቁጥር ሺ፵፬ ንኡስ ቁ (፪) የተመለከተው ዝርዝር በቀረበ ጊዜ፤ በዚህ ዝርዝር ውስጥ ለተመለከቱት ገንዘብ ጠያቂዎች ከጀመሪያው ገቢ ገንዘብ እንዲከፈላቸው መርማሪው ዳኛ ይፈቅደል።
    (፪) ስለ ቀደምትነቱ ክርክር የተነሣ እንደ ሆነ ፍርድ ቤቱ ውሳኔ ይሰጣል።

    ምንጭ:
    የ፲፱፻፶፪ ዓ.ም. የንግድ ሕግ
  • loader Loading content ...

Load more...