loader
  • የኪሣራና የመጠበቂያ ስምምነት ፤ አጭር ሥነ ሥርዐት (የ፲፱፻፶፪ ዓ.ም. የንግድ ሕግ አዋጅ ፥ አንቀጽ ፭።)

    @በህግ አምላክ   3 months ago
    ህግን አለማወቅ ከተጠያቂነት አያድንም!
  • loader Loading content ...
  • @በህግ አምላክ   3 months ago
    ህግን አለማወቅ ከተጠያቂነት አያድንም!


    የ፲፱፻፶፪ ዓ.ም. የንግድ ሕግ አዋጅ። የኪሣራና የመጠበቂያ ስምምነት። አንቀጽ ፭። አጭር ሥነ ሥርዐት።


    ቁጥር ሺ፻፷፮። ስለ አፈጻጸሙ ሁኔታዎች።

    (፩) የከሠረው ሰው ንብረት ከሺ ብር የማይበልጥ ለመሆኑ ባለዕዳው ያቀረበው የሒሳብ ሚዛን ወይም በኋላ የተገኙ መረጃዎች የገለጹ እንደ ሆነ፤ ወይመ የሚከፋፈለው ድርሻ ከቶ ዐሥር ለመብለጥ የማይችል ሆኖ የተገኘ እንደ ሆነ፤ ዳኛው በሥልጣኑ ሆነ፤ ወይም በገንዘብ ጠያቂዎች ጥያቄ የመክሠሩ አሠራር በአጭር ሥነ ሥርዐት እንዲቀጥል ለማዘዝ ይችላል።


    (፪) የከሠረው ሰው ንብረት ወይም የሚከፋፈለው ድርተሻ በንኡስ ቁጥር (፩) ከተነገሩት ገንዘቦች የበለጠ መሆኑ ከመክሠሩ አሠራር ተገልጾ እንደ ሆነ፤ የተፈጸሙት ሥራዎች እንደ ጸኑ ሆነው የመከሠሩ አሠራር በመደበኛው ሥነ ሥርዐት እንዲቀጥል ዳኛው ያዛል።

    (፫) የመክሠር አሠራር መደበኛ ደንቦች ከአጭሩ ሥነ ሥርዐት ጋራ በሚስማሙበት ጠን ተፈጻሚነታቸው ይቀጥላል።


    ቁጥር ሺ፻፷፯። ስለ አጭር ሥነ ሥርዐት አሠራር ልዩነት።

    አጭር ሥነ ሥርዐት በሚፈጸምበት ጊዜ፡-

    (፩) እሽግ አይደረግም።

    (፪) የባለገንዘቦች ኮሚቴ መምረጥ ግዴታ አይደለም።

    (፫) በፍርድ ቤት መቃወሚያ ካልቀረበ በቀር ክርክር በተነሣበት ዕዳ መቃሚያ ላይ መርማሪው ዳኛ ውሳኔ ይሰጣል።

    (፬) መርማሪው ዳኛ ማንኛውንም ግልግል ለመፍቀድ ይችላል።

    (፭) ስለ ገንዘቡም አንድ ክፍያ ብቻ የደረጋል።

    (፮) የንብረት ጠባቂውን ሒሳብና የሚያገኛቸውን ገንዘቦች የሚመለከቱትን ክርክሮች መርማሪው ዳኛ ይወስናል።


    ቁጥር ሺ፻፷፰። ያሉትን ዕዳዎች ስለ መመርመር።

    (፩) በሒሳብ ጽሑፎች፤ ባለዕዳው በሰጠው መግለጫና ሊገኝ በሚቻለው መረጃ መሠረት ንብረት ጠባቂው የገንዘብ ጠያቂዎቹን ዝርዝር ያሰናዳል።

    (፪) ከዚህ በላይ የተባለው ዝርዝር፤ አስረጂ ከሆኑ ሰነዶች ጋራ ለመርማሪው ዳኛ ይተላለፋል። መርማሪውም ዳኛ ያለውን ዕዳ ካረጋገጠ በኋላ በትእዛዝ ተፈጻሚ እንዲሆን ያደርጋል። ማናቸውም ሰው እንዲያውቀው የዕዳው ዝርዝርና ትእዛዝ በፍርድ መዝገብ ቤት ይቀመጣል።

    (፫) ዝርዝሩን ትእዛዙ እፍርድ መዝገብ ቤት በተቀመጠ በሦስት ቀን ውስጥ፤ ንብረት ጠባቂው በረኮማንዴ ደብዳቤ ለያንዳንዱ ገንዘብ ጠያቂ ስለ ዕዳው የተሰጠውን ውሳኔ ያስታውቀዋል።

    (፬) ዝርዝሩና ትእዛዙ እፍርድ መዝገብ ቤት በተቀመጠ በዐሥራ አምስት ቀን ውስጥ ተቀባይነት ያላገኙት ገንዘብ ጠያቂዎች ለመርማሪው ዳኛ አቤቱታ ማቅረብ ይችላሉ። በዚሁ ጊዜ ውስጥ ተቀባይነት ያገኙት ገንዘብ ጠያቂዎችን የሚመለከቱ መቃሚያዎች ሌሎች ገንዘብ ጠያቂዎች ሊያቀርቡ ይችላሉ።

    (፭) መርማሪው ዳኛ ክርክሮቹ የሚሰሙትን ቀን ይወስናል። ክርክሮቹም በስምምት እንዲፈጸሙ ይጣጣራል። እንዲህ ካልሆነ ግን አንድ ውሳኔ ይሰጣል።


    ቁጥር ሺ፻፷፱። የመፋለም ጥያቄዎች።

    በመፋለም ጥያቄዎችና በባለዕዳው እጅ የሚገኙትን የሚንቀሳቀሱ ዕቃዎች ስለ መመለስ በቁጥር ሺ፻፷፰ የተደነገጉት ውሳኔዎች ተፈጻሚዎች ይሆናሉ።


    ቁጥር ሺ፻፸። ስለ ስምምነት።

    (፩) በገንዘብና እንዲሁም በቁጥር ብልጫ ያላቸውና ድምፅ ለመስጠትም መብት ያላቸው ገንዘብ ጠያቂዎች የተቀበሉት እንደ ሆነ፤ የስምምነቱ ሐሳብ የጸና ይሆናል።

    (፪) መርማሪው ዳኛ ከዚህ በላይ በንኡስ ቁ (፩) መሠረት ዕጥፍ የሆነው የድምፅ ብልጫ መገኘቱን ከመረመረ በኋላና ስምምነቱም ተገቢ መሆኑን ከገመተ በኋላ፤ ይህንኑም በትእዛዝ አጽድቆ ለአፈጻጸሙ አስፈላጊ የሆኑትን ትእዛዞች ይሰጣል። ስምምነቱን በሚፈቅደው ወይም በሚሸረው ውሳኔ ላይ ምንም የይግባኝ ክስ እንዲቀርብ አይፈቀድም።


    ምንጭ:

    የ፲፱፻፶፪ ዓ.ም. የንግድ ሕግ

  • loader Loading content ...

Load more...